S'Transport-OK het ganzi Arbet gleischtet, sogar d'Traktore send noch of Hochglanz brocht worde.
S'Transport-OK het ganzi Arbet gleischtet, sogar d'Traktore send noch of
Hochglanz brocht worde.
Au am ond ofem Wage het alles sin Platz gha, gell Silvia?
De Stefan ond Be händ d'Musikalag testet, öb sie s'Unternähme ETF 2002
öberstoht - de Test esch positiv usgfalle. Ond nach mäng Stonde Arbet esch
denn euses Transportmettel fertig gsi...
... ond d'Hälfer händ sech en Znacht ond nötürli es Bierli gnehmigt:
PROSIT!!!
D'Erika ond d'Silvia send no för de rechtig Bluemeschmock besorgt gsi...
wär jo alles parat, osser s'Maskottchen fehlt no. Mer händ schliesslich en freiwilligi os
em DTV gfonde, also a dem sötts ned legge!!!
De hets ändgöltig chönne los go. Scho bi de Besammlig in Herznach esch gueti Stemmig
ufcho...
... d'Bönu het no gluegt öb wörkli alli do send...
... d'Silvia het ofde Wäge för s'Rächte glueget ond denn...
... eschs losgange. Met 2 Traktör ond Ahänger händ mer eus of de Wäg gmacht
is Baselbiet...
... de Schmedi ond de Jimmy send au scho liechter gsi... händ of jede
Fall d'Aline ond de Prischu dänkt...
De het d'Herznacher nüt me chönne zroggphalte, es esch d'Poscht abgange of de
Wäge, bim Gitarresolo händ alli metgmacht...
D'Prischu esch vell am Telefoniere gsi, ned öbe os Vergnüege, mer händ
chorzerhand no müesse bewise, dass mer rechtig agmolde händ, soscht hätte bim
Fachtescht ned alli chönne metmache. Zom Glöck händ mer de Thömi vor Ort gha
in Liestal, er het das dochno igfädlet för eus, MERCI VELLMOL!
Nach 1 1/2 Stond Fahrt händ mer euse Platz bim Bur in Liestal bezoge,
ond d'Bönu het die letschte Instruktione geh.
Scho gli hets denn au gheisse: Ab of de Wettkampfplatz, de eiteilig Wettkampf
esch agseit gsi, Fachtescht Allround: Alli Herznacher send metmarschiert hender
eusere Musigbox, wo no mängisch zom Isatz cho esch a dem Tornfäscht...
Ond do gseht mer eusi Fachteschtler am Wärk: Bi sehr heisse Temperature händ
alli Top-Leischtige zeiget, das esch ned sälbschtverschtändlich...
... aber au bi eus hets die einte oder andere heisse Chöpf geh!
De Lüü ond de Moby händ kämpft bes am Schloss...
... händ d'Bönu ond de Prischu of jede Fall de Idrock gha!
D'Grättorner bim Warte of ehre Isatz...
... no einisch zämeha, ond looooooooooooooooooos
gohts!
Schwungvoll, synchron ond konzentriert - d'Tornerinne
ond Torner händ wörkli e Glanzleischtig zeiget...
Au s'Schlossbeld gseht supi us. Leider händ
d'Kampfrechter ned de glich Idrock gha vo eusere Vorfüehrig wie alli Awesende
im Grätzält - d'Note hätt einiges höcher müesse usfalle... Aber d'Chöpf
händ mer wäge dem ned lo hange, denn de Wettkampf esch no lang ned fertig gsi...
Eusi Chogelestösser händ wie emmer volle Isatz geh,
bi wem esch sie ächt am witischte???
Bim Päuli esch d'Chogele bereits nöm z'gseh, aber
öbs zo de Beschtwiti glängt het???
Bereits esch d'Pendelstafette ofem Programm gstande...
... au do händ d'Herznacher met super (Stil-)Note chönne öberzüge, gell
Karin?
Die zwoi händ sech bimene Nochberverein es Bierli klaut ond sech e loschtige
Heiwäg drus gmacht... machts nüt, choschts nüt!!!
De Abschloss vo eusem 3-teilige Wettkampf esch denn schliesslich s'Team-Aerobic
gsi. Met de Super-Note vo 9.39 send mer belohnt worde, ond das Ergäbnis mues
doch gfiret si...
... das händ s'Bini, Fränzi, Nati, Theres, Silvia ond de Roli au wohrgmacht
ond los esch s'gange...
... HP, Michi, Thomi ond Kussi, alli händ of eusi Super-Leischtig agstosse!
S'Ässe esch wörkli fein gsi, gell Michi?
Nachem Ässe het s'Fäscht erscht rechtig chönne losgoh. Dass au alli de Wäg i
euses Zält gfonde händ, het de Lüüüüüüüüü Verkehrspolizist gspelt ond
de Lüt de Wäg zeiget!
Ond denn hets gheisse: Ab die Poooooooooooooooscht!!! (Bilder sagen mehr als
Worte...)
D'Prischu het sech no gueti Tipps bi de Ehredinger gholt... oder soooooooooo!
Au de Hansi ond d'Sandy händ sech wohl gfühlt, för was dass d'Bönu grad
Wärbig macht weiss niemer!
Salüüüüüüüüüüüüüü, wir habn'Feeeeeeeeeeeeeest!
Hööööööööööm, Be, Du seisch de Frau Muller wos doregoht, what'n that'n?
Au s'Nati ond de HP händ sech eis oder so Biersche
gnehmigt...
Just: let's party!!!
Sogar met Welsche Turner send Kontäkt knöpft worde, obwohls mängisch chli
sprochlichi Problem geh het. S'Mööööööörli esch grad bi de Iheimische
blebe, esch doch vell eifacher...
Jojojojojojojo Vali, au för Dech wers Mol Ziit för is Bett, oder meinsch ned
au?
So gsähnd d'Herznacher us nachere lange Nacht (im Usgang, ned im Schlofsack...)
Naja...
D'Herznacher Teilnehmerinne vom Top-Sportabend (vo de Manne hani leider keis
Foti!). Es esch eifach en geniali Show gsi, ond s'Akkro-Team onter de Leitig vom
Esthi het sech vo de beschte Site zeiget - wörkli e gwaltigi Leischtig!
Nach em Top-Sportobe händ mer au im Usgang weder alles geh.
S'Mööööööörli, de
Schmedi ond s'Bönu ond au im Jimmy esch es seeeeeeeeeehr guet gange... ond
emmer no vell besser gange...
I mog no e Bierscheeeeeeeeee, was meinsch Du dezue Jimmy?
Alli händs glatt gha...
... de Jimmy het nor gmeint: Mineral (aber nor för ofs Föteli...)
No comment!
Tja, nachem Tanze händ einige Herznacher de Heiwäg atrette, meh oder weniger
illegal, gell Cloidi???
Wer mog do no am beschte??? (Secher ned de Käller!)
De händ d'Herznacher no ihri Tanzkönscht zeiget, wörkli e Glanzleischtig vo A
bis Z!
I gloub i häv no oin im Gsicht! (Aber Hauptsach mer händ scho z'Morge gha...)
Bim Bur hets denn nöm glängt bes zo eusne Schlofsäck, drom send mer halt grad
bim Vali zuegläge!
Bim offizielle Fäschtumzug am Samschtig send d'Herznacher plötzlich au bi de
Teilnehmer azträffe gsi ond händ met ehrere Musikbox einisch meh för
Bombe-Stemmig gsorget!
Es Telefon met de Claudi wo of Canada usgwanderet esch het au no müesse si,
obwohl im Mörli no fascht ein usegheit wär!
Ob die zwoi chli Nohbrand vom geschtrige Usgang verspüre???
Wo s'Mörli aber ehrem Lieblingshobby het chönne nogoh, em SHOPPING - eschs ehre
scho weder vell besser gange. (Es brucht grad chli Material för 45 Persone,
oder was meinet ehr???) De Coop Liestal wert eus of jede Fall au ned so schnäll
vergässe, händ mer doch för Fr. 760.-- poschtet!!!
Die reschtliche Lüt händ bim Bur gwartet, bes mer schliesslich met em Traktor
zo de Fürstell gfahre send ond eusi "Brötel-Party" het chönne
starte!
D'Lüt händ sech nor so of de Apéro ond s'chalte Bier gstörzt - es esch
wörkli e super Idee gsi so en Brötel-Party z'organisiere.
SMILE!!!
D'Herznacher bim Fäschte, chum z'Öberträffe!!!
Es esch gschauklet worde, d'Eri het no es sehenswärts Gitarrensolo vorgmacht...
... aber das esch eidütig z'vell gsi för d'Silvia, s'het sie total abgsmiert!!!
Wos om die letschte Wörscht gange esch, het d'Nati ehre Isatz gha. Sie het
volle Isatz geh, als Dankeschön het mer sie no gschmenkt - met Senf notürli!
De esch plötzli "Spieglein" gloffe, de Vali esch nöm z'halte gsi -
er het e riese Show vorgfüehrt, eifach wältklass!
Es händ sech emmer meh Lüt of de Tisch gwogt, wosech wortwörtlich inen
Tanzböhni verwandlet het.
De Söne ond em Vali esch aber de Tesch nöm guet gnueg gsi, ab in die Höhe!!!
Es händ sech emel alli bi de Hebearbete beteiligt!!!
De Jimmy ond s'Erik händ no es neus Hebeteil wölle üebe, aber ich glaub
fascht - es esch chli id Hose...
Jo, ond ebe es esch eifach glatt gsi ond zwöschedore chli explodiert...
D'Eri sprecht för alli: ES ESCH EIFACH GENIAL GSI!!!
Ide Arena hets scho lang kei Platz me gha, drom send mer ofene Hoger
ueklätteret ond händ e tiptopi Ussecht gha.
De Andi ond Dani händ d'Bierharass grad met sech ometreit. Wieso sie im
Partnerlook erschiene send - esch schints es Gheimnis...
Aschlüssend esch no es kurzes Pfiiiiiisi agseit gsi...
Bereits esch es weder Ziit gsi zom Heifahre. E gwössne Schlofmangel esch allne
azgseh gsi, gell Nati???
D'Mirjam ond Silvia gsähnd hingege no rächt frösch us.
... d'Karin het sogar no ofem Wage chönne schlofe...
Wo mer in Herznach acho send, esch scho alles parat
gsi för euse Empfang, ond de Päuli het chönne de Fahnegruess übermittle.
Nachem "Omzog" vor s'Restaurant Löwen het
de Vizeammann vo Herznach es paar "füechti" Wort a eus grechtet. De
René het schliesslich d'Bevölkerig öber eusi starke Resultat informiert...
... ond alli händ ufmerksam zueglost... Denn esch mer zom gmüetliche Teil
öber, em Apéro ond aschlüssend zom wohlverdiente z'Nacht.
... ond nachem Empfang in Herznach händ mer nomol alles geh im Loie, gell
Beeeeeeeee? De Vali het sech rüehrend om de TV-Nochwuchs kömmeret!
Fränzi ond Silvia alias James Bond, oder was sött das genau?
D'Erika hets of jede Fall au ned usegfonde, het aber glich nochli möge lache...
Jo es send dorchus z'fredni Gsechter ome gsi, aber vorallem send alli
miiiiiiiiiiiiiiiiiide gsi nach 4 Tag Tornfäscht (VOLLGAS!)
Ond scho esch s'ETF 02 im Baselbiet weder verbi gsi. Mer händ 4 geniali Täg
dörfe zäme verbringe (au wenns Fäscht ned so wältklass gsi esch) aber
Hauptsach esch doch, dass es mer guet gha händ onderenand... Hoffentlich dörfe
mer no mäng so Tornfäschter metenand erläbe. I freu mi of jede Fall scho ofs
nächschte...
Bes bald, ond wer Föteli wötti bstelle söll sech doch bi mer mälde (Prischuuuuuuuuuuu).