D'Bönu esch rächtzitig am 05.45 Uhr parat gsi, d'Karin händ mer müesse go hole - Sie esch so im Seich en gsi, dass es ned emol me glängt het zom d'Wanderschueh azlegge...

 
Bi dene Bilder im Zog esch denn klar ersichtlich gsi, dass die beide e strängi Nacht hender sech gha händ...

   
D'Silvia ond sogar d'Prischu händ vell e bessere Idrock gmacht (obwohls au bi dene zwoi ned wörkli vell Schlof geh het)

 
De Hans, Peter, Zahm ond Bruno händ bereits am Morge früeh agregti Diskussione gfüehrt ond send voller Tatedrang gsi.

Met de neuschte Nachrichte het sech de Phöppe ideckt...

währenddem de Jimmy ond de Vali weder einisch sch... doh händ oder sooooooooo!

 
Au s'Bini ond d'Nati send bereits guet glunt gsi, de West het no en kritische Bleck drof.

Of einisch esch denn de Schlof doch Sieger gsi bi de Silvia, kei Wonder...

   
Ide Zwöscheziit het d'Prischu de Waldbeeri-Sekt uspackt ond zäme met em Jimmy, Michi ond em Schmedi "trinkelisiert" - Wenn s'Silveli uf gsi wär, hät sie drom d'Fläsche sälber tronke ond das hani jo scho neeeeeeeed wölle...

Au im Vali het de Champagner gschmöckt - trotz de Warnig vo de Organisatore, dass es no en asträngendi Wanderig werd geh, ond somit z'vell Alkoholkonsum ned z'empfähle esch...

 
Die beide send onterdesse weder ufgwacht ond händ sech gstärkt för die bevorstehendi Wanderig...

Womer acho send in Elm hets doch tatsächlich grägnet... das het eus ned gfalle, vorallem händ einigi kei Rägeschotz debi gha. Aber zom Glöck esch no e Baracke ide Nöchi gstande ond mer händ eus bedient met Plastik...

 
De Ufsteg het chönne in Agreff gnoh wärde, ond sogar d'Prischu het jetzt e Rägemänteli, eschs ned schön?

Onterwägs hets wonderschöni Blüemli ond Pflanze gha...

... ond au s'Wätter het sech bereits nach chorzer Ziit vode guete Site zeiget. Es het nämli ufghört rägne (aber i ha mi eifach ned wölle vo mim Rägemänteli tränne...)

För einisch het de Vali nome s'wechtigschte ipackt - neeeeeeeeed!

   
En Bärghötte - das esch eus notürli gläge cho. Mer händ e chorzi Pause gmacht wobi au de Chregi, Hans ond d'Bönu ihre Spass gha händ...

D'Organisatore händ eus denn es Quiz verteilt ond d'Chöpf ide einzelne Groppe send zämegsteckt worde.

   
D'Wanderig esch aber no lang ned fertig gsi, aber au d'Nati het de Plausch gha...

... ond was esch bi Der Silveli, hesch chli müesse liiiiiiiiiide?

 
D'Sandy ond de Thömi händ e Schlock z'Trenke gnoh, denn trotz de chüele Temperature esch mer rächt is Schwetze cho.

 
Jedi Pause esch wellkomme gsi.

De Peter het no es Schneefäld entteckt ond eus sini Skifahr-Könscht demonschtriert (meh oder weniger erfolgrich...)

I säge nome: wonderschön!

 
De Zahm ond d'Karin händ no e rächt frösche Idrock gmacht (omso erstunlecher bi de Karin, esch si doch am Morge no rächt am liiiiiiiiiiide gsi...)

Ond denn händ mers gschafft: De Gipfel vom Panixer Pass (2407 m ü. M.) esch erreicht gsi.

Do esch es höchschti Ziit zom d'Bei hochlagere, gell Sandy?

 
Aber au de Honger esch gross gsi ond alli händ de Picknick uspackt.

   
Na dann e Guete Michi, Sabine ond Vali!

   
Guten Appetit!!! Was esch denn bi Der Silveli, mooooogsch nonig so ässe?

Hesch chalt Nati?

 
Ond PROSIT!!!

De het doch de Bruno tatsächlich no d'Trompete uspackt ond esch ofne Högel ue go spele...

... de Schmedi hets zom Ischlofe gfonde (nei, esch nor en Scherz gsi...)

No einisch die schöne Blueme.

Was esch denn do onde z'gseh?

D'Prischu het doch tatsächlich im Vali müesse go hälfe löpfe...

Aber ehre Kommentar esch gsi: Da beni so entteischt!

 
Mer send a idröckleche Stelle verbigloffe, wie z. B. de Wasserfall.

Wer flöchtet denn do? Es get jo nor es Föteli...

   
De Thömi het no sis Zaubergrätli lo legge ond drom no einisch retour müesse. Aber er het Vollgas geh, im Gegesatz zo gwössne andere Persone. De Chregi, Dani ond d'Prischu händ die Pause zom Usspanne benötzt.

De Jimmy het de Wägwiser no "gschändet" - er zeigt jetzt idi anderi Rechtig ond alli wärde falsch laufe, aber machts nüt!

en ultimative Sälbschtuslöser (ha zwar de Jimboberech fascht z'Bode drockt...)

höööööööööm, what'n that'n?

De Jimmy stoht fascht KOPF - es Wonder hets en ned no omzwerblet...

nach em steile Absteg send mer fascht am Ziel gsi...

... au de Vali ond de Bruno send gar ned onglöcklich dröber gsi.

 
Zrogg ide Zivilisation (in Panix) händ mer notürli en Beiz ufgsuecht (die erschti wo mer de ganzi Tag öberhaupt z'gseh becho händ!) ond of eusi Leischtig agstosse, gell Michi?

Wer isn das? Ah jetzt ja, das esch jo s'Chanteli, sie esch drom met em Zog do häre gfahre - zwäcks Blotere wo sie emmer no vo de Stefansballreis här gha het...

 
Es het so guet toh weder einisch hocke eifach chli usruehe - ond vorallem e chalts Bierscheeeeeeeee trenke, gell Vali?

 
Im Poschti ofem Wäg zo eusere Onterkonft send no d'Trenktechnike bewärtet worde - was zo vell Glächter gfüehrt het.

Aber wieso das die zwoi so lache...

... wahrschinli well d'Bönu ehri flach drockti Frisuuuuuuuuuer gseh het, sieht doch gut aus, oder etwa nicht?

 
Jawoll das esch eusi Onterkonft gsi. De Pool esch notürli grad vo eusne Wassernixe in Beschlag gnoh worde (obwohl s'Wasser nome grad chli meh wie 10 Grad gha het). Aber guet hets toh!

De Chregi het no wölle en Kilometer schwemme, het denn aber die Üebig abbroche - s'Becki esch eifach zchli gsi (es wärem höt no trömmlig vom vele chere...)

E grausami Pyramide händ eusi starche Borschte au no fertigbrocht (lang eschsi zwar ned gstande, aber förs Föteli hets glängt, ond das esch jo d'Hauptsach)

Was esch denn das för en Bodybuilder?

... d'Nati esch emel grad hin und weg gsi vo dem Ableck!

 
d'Sandy het d'Ziit bes zom z'Nachtässe met telefoniere öberbröckt ond d'Silvia met pfiiiiiiiiiiiiiiisiiiiiiiiiiiiiiiiiii!

Nacheme sehr feine Nachtässe hets sogar no es Dessert geh, aber gwössni Lüt händ weder müesse met em Rahm spele, drom gsehts nöm wörkli appetitlich us.

De Thömi het do grad igreffe ond de Übeltäter wüescht gseit...

jo hesch ghört Bönuuuuuu, Du beschs nämli gsi!

Eusi beide Organisatore händ no es wetzigs Speli vorbereitet gha. Es händ emmer 2 Persone gegenand müesse atrette ond was debi usecho esch  gsähnd er do:

 
Aufgabe: wer het zerscht 3 Rüebli gschellt? D'Silvia het grad afi loschafle wie en Has, de Schmedi esch clever gsi ond het os de Chochi en Schäler gholt. D'Antwort wer zerscht fertig gsi esch eröbriget sich glaub...

Aufgabe: wer brüelet zerscht? S'Bini het doch im Jimmy tatsächlech en Zwebele onterem Aug usdrockt, drom eschs ned lang gange ond die Träne send nor so abegflosse. De Dani esch met sinere Kampf-Technik ned sehr erfolgrich gsi bim Phöppe... au do esch klar gsi wer gonne het.

Aufgabe: wer brengt de schöner Bluemestruss (Ziit: 1 Minute)? De Bruno esch abgsecklet ond es paar Sekonde spöter met eme chline Strüssli weder zrogg cho. Aber es esch nie guet wenn mer sech zfrüeh freut - de Chregi esch nämli chorz drufabe met eme riese Struss deher cho ond drom eschs au do ned schwer gsi förs Publikum z'entscheide.

 
Aufgabe: Wer het s'Jogurt zerscht leer gässe ohni deför d'Händ z'bruche? De Hans het chum agsetzt gha esch de Becher au scho leer gsi - d'Chanti het do scho meh Müeh gha, aber sie het also kämpft!

 
Aufgabe wem sin sälberbschtlete Flogi flügt witer? D'Sabine hett zwar ehri Kreaativität onter Bewis gstellt ond hätti klar gonne wenn mer s'Usseh bewärtet hätti. Wos denn aber drom gange esch wele das am witischte flügt, esch im Chrege sin Flogi es paar cm witer cho...

Aufgabe: Mit kleinem Finger einhängen und ziehen, bis erste Person vom Stuhl fällt. Das esch e chorzi Sach gsi, zo Gonschte vom Phöppe.

Of einisch send halbnackti Torner im Rum ghocket, was esch au do passiert?

 
... das esch jo scho die nächschti Ufgab gsi. Es esch drom gange, dass d'Bönu und de Peter 4 Minute Ziit gha händ zom möglichscht vell Chleider azlegge. Öbrigens d'Bönu het gonne met 39 Chleidigsstöck. Es ongwohnts Beld, oder was meinet ehr?

 
Aufgabe: 3 Begriffe z'erchläre met eme Zundhölzli zwösche de Zäh. Bi dem Wettkampf sägi nome: Luft... Ballon... D'Nati het schlossändli souverän gonne.

Ned nome d'Sandy het Träne glachet, nei alli händ sech prächtig amüsiert bi dene Duell!

 
Jetzt hets aber au för d'Sandy ärnscht golte. Sie het met em Michi en Diskussion müesse füere, ond die Person wo zerscht jo oder nei seit het verlore. De Michi locker wie emmer - d'Sandy het alles geh...

... aber es esch eifach zom Verzwifle gsi. Nachere onterhaltsame Darbietig isch de Michi Sieger gsi.

 
Aufgabe: 3 Ballone aufblasen bis sie verplatzen! D'Karin het am Afang e brutals Tempo vorgleit. De Vali het sech aber nomol härekämpft ond well d'Karin met em letschte Ballon so ehri liebi Müeh gha het, esch es zom Foto-Finish cho wo denn de Vali d'Nase knapp vor gha het.

 
Aschlüssend as Quiz send alli no gmüetlich zämeghocket ond händ die einte oder andere scharfe Tier nogmacht...

 
... d'Nati het emel nöm so ganz doregseh. Oder luegt sie ächt so verdatteret well die beide Torner weder einisch so schaaaaaaaaaarf wäre...?

Zo dem Föteli kei gnäueri Infos, das esch en Insider (Interessierti chönd sosch bi de Silvia nofroge...)

 
Au d'Prischu het weder e verdächtigi Situation entdeckt - de Vali ond d'Chanti händs weder et chönne loh...

... ond scho esch er gflöchtet - met de Usred er gächi go en Gable sueche. Ouuuuuuuuuuuuuu, do cumi nöm drausi!!!

So  en Lafi Kutz het notürli joooooo ned dörfe fehle...

 
... aber sesch no lang ned so schlemm gsi wies of dem Föteli usgseht. D'Bönu het au Vollgas geh, 1 Fläsche Bier het ehre ned glängt...

... aber nochher het plötzlich de Chopf chli gsorret, wieso au das?

S'Poschtauto het eus am Sonntig Morge grad vor eusere Unterkonft abgholt ond eus zom nechschte Ziel gfüehrt...

... de René het jo au nonig gwösst wos häre goht, aber dänkt e Schlock osem Flachmaa wäri kei schlächti Idee, na dann Prouscht!

He Schmediiiiiiii, was esch, magsch nöm?

... also mer göhnd jetzt go es Bierli ha...

... was de negativi Näbeneffekt vo z'vell Bierkonsum esch het de Hans öpedie z'schmöcke becho... wer esch ächt damol de Übeltäter gsi?

... jo jo Vali, das Lache seit alles!

Das erwartet eus also, RIVER RAFTING! Mer händ notürli sofort en Neopren-Azog agleit...

 
... wobi gwössni Tornerinne so ehri liebi Müeh gha händ demet! (Zwäcks usegheie ond so...)

   
Aber i mue scho säge, d'Herznacher händ e gueti Falle gmacht!

 
De Michi het ufmerksam de Instruktione zueglost ond d'Silvia het no unterschriebe, öb sie ächt weiss of was sie sech do iloht?

Alli send parat gsi: LET'S GO AND HAVE FUN!!! 

 
D'Teilnehmer vo de Tornerreis 2002

Scho esch es weder Ziit gsi för de Heiwäg. Au de Zahm ond de Peter händ de Plausch gha.

 
Die letschte Räschte send verspiese ond tronke worde...

... de Vali het nüt me gha, drom het er halt am Finger ome besse...

De Thömi esch froh gsi, dass alles guet gange esch of dere Reis ond dass es allne gfalle het.

Wer esch denn das? Ou Mano, das esch jo d'Silvia, total explodiert wördi Mol säge...

Mooooooooooooooinscheeeeee

Au de Bruno het Mol pfiiiiiisi gmacht, s'esch ruehig worde im Abteil...

 
För e guets Föteli beni doch emmer z'ha.

 
D'Bönu het im Schmedi ehri scharfe Halloween-Söckli zeigt ond ehn hets fascht verjagt vor Lache...

 
Aber was söll denn das? Hauptsach no knutsche knutsche met de Schibe...

d'Chanti het sech no bim West för die tolli Organisation bedankt... rrrrrrrrrrrrrrrr...

Zom Abschloss vo de Reis send mer no in Löwen.

 
Au s'obligatorische Napasche het ned dörfe fehle...

 
Mit Chlämme ond Drocke het d'Silvia probiert de Vali wach z'bhalte. Aber er esch eifach dore gsi vo dere asträngende Reis. Oder eschs ächt wäge öbis anderem gsi?

Also, das wäris gsi vo de Tornerreis 2002. See ya in 2003!!!